মালেম শীনবা থুংনা পাঙথোকপা ইন্টর্নেস্নেল প্লাষ্টিক বেগ ফ্রী দে থৌরমগা মরী লৈননা অনবেগ দি ফ্যুচর: চূজ রিয়ুজেবল, চূজ সষ্টেনেবল হায়বা থিমদা ঙরাং ইকো-নেটৱার্ক মনিপুর অমসুং ঈকোপ নিংথৌ ভি এল এফ হৈরোক পার্ট টু অনীনা খূৎশম্নদুনা ৱাংজিং কৈথেলদা ফিগী খাউ য়েন্থোকখ্রে।
প্লাষ্টিক ফ্রী ওইবা খুন্নাই ওইহল্লসি, প্লাষ্টিক পোল্যুসন্দগী ঙাকথোক্লসি, সিঙ্গল য়ুজ প্লাষ্টিক শীজিন্নবা তোকলশি, এনভাইরনমেন্ট কল্লসি হায়বা ৱাফমশিং ইকো- নেটৱার্ক মনিপুরগী প্রসিদেন্ট শিন্থাঙম্বা লাইশ্রম্না ফোঙদোকখিবগা লোয়ননা মীয়াম্না ঙসী-ঙসীমক্তগী পোৎ-চৈ লৈনবগীদমক লাকপদা প্লাষ্টিক খাউগী মহূত্তা ফিগী খাউ ওইনা পুরগা লাকপিরো, তুংকোইনা মীওইবনা হিংদুনা লৈবা য়াবা মালেম অমা শেম্লম্লসি হায়বা ৱাফম কয়া থমখি।