এ সি ০০৮ কি ৩৪ ওফ ২০০৮ গী সেক্সন ১১ গী সব- সেক্সন (১) না পীবা শক্তি অদূগী মতূঙ ইন্না চুরাচান্দপুর দিষ্ট্রিক্ট এন্দ সেসন্স জজগী কোর্ট অসী নেস্নেল ইনভেষ্টিগেসন এজেন্সি ( এন আই এ) গী কোর্ট অমা ওইনা শীজিন্ননবা থবক লৌখৎপা হৌখ্রে।
হায় কোর্ট ওফ মনিপুরগী নৌনা চিফ জষ্টিস ওইনা খনখ্রবা জষ্টিস সোমাশেখর না হায় কোর্ট অসীগী মাপনশুবা চিফ জষ্টিস ওইনা লাকখ্রবা মতূঙদা মিনিষ্ট্রি ওফ হোম এফিয়র্স কা খন্নরবা মতূঙদা অনৌবা অহোংবা অসী লাকখিবনি। এন আই এ গী কোর্ট অসী মনিপুর পূম্বদা মসীগী জুরিসদিক্সন ওইরগনি হায়রি।
মনিপুরদা হৌখিবা কুমশিং ২০২৩ গী মে অহুমদগী থোক্লকখিবা হীঙশাগী ঈরাং অসীদা শোকখিবা, শিখিবা অমসুং মাঙ-তাকখ্রবা লন- থুম, য়ূম- কৈনচিংবা কয়াদুগী মতাঙদা কোর্ট অসীনা ইনক্বারি চত্থবগা লোয়ননা থিজিন্দুনা অচূম্বা ৱায়েল মীয়ামদা ফংহন্ননবা বিচার চত্থরগনি হায়রি। মমাঙগী চহী ২০২৪ দা খূৎলায় পায়বা কুকি মিলিটেন্টশিংনা মৈতৈ ফূরূপকি নূপী অহুম অমসুং পীক্লিবা অঙাঙ অহুমগা থারগা পূন্না মীওই তরুক তমথীনা হাত্তোক্লগা তুরেলদা লংথরকখিবা থৌদোক অদুগী মতাঙদসু এন আই এ গী কোর্ট অসীনা থিগৎলগা মরী লৈনবা মীয়ামদা জষ্টিস পীননবা হোৎনরগনি হায়না পাউগী লীখূল অসীনা মখা তারক্লি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে