সেন্ট্রেল ফোর্স অমসুং মখোয়গী খোঙবূ ওইনা লৈরিবা কে এন এফ (বি) গী কাঙবূ অমগা থা অসীগী ১৯ দা ইন্দো-ম্যান্মার বোর্দর মনাক্তা শোক্নখিবা লানফমদা থৱায়না পোন্থা পীখ্রবা কংলৈ য়াওল কন্ন লূপ (কে ৱাই কে এল) গী পাথৌ প্রাইভেট মোইরাংথেম ননাও এল্লাইজ ঙম্বগী মঙানি লৈহুন থৌরম ঙরাং নিংথৌখোংদা মীয়াম্না শরুক য়াদুনা পাঙথোকখ্রে।
লৈখিদ্রবা ননাও এল্লাইজ ঙম্বা অসী চুরাচান্দপুরগী তুইবোংদগীনি। কুকি- জো কাঙলূপকি মিলিটেন্টশিংনা হৌখিবা কুমশিং ২০২৩ গী মে অহুমদগী চত্থরকখিবা হীঙশাগী ঈরাঙ অসীদা মফম অদূদগী লাঞ্জেল্লক্তুনা নিংথৌখোংদা লৈবা মাঙ্গোলঙানবী কল্লেজদা হাংবা রিলিফ কেম্পতা ঈমূঙ-মনূঙগী মীওইশিংগা পূন্না আই দি পি ওইনা লৈমিন্নরকখিবনি। মহাক থা খরগী মমাঙদা কে ৱাই কে এলগী প্রাইভেট অমা ওইনা ঈমা লৈবাক্কিদমক খোঙদাখিবনি। লৈখিদ্রবা মোইরাংথেম মনি অমসুং মোইরাংথেম ওঙবী লোইদাং অনীগী মচা মঙাগী মনূঙদা ননাও এল্লাইজ ঙম্বনা ইতোন তোনবনি।
মহাক্না লৈখিদবা অসী য়াওল্লূপ কে ৱা ই কে এলখক্তগী নত্তনা মনিপুর ঈমাগী তাঙলবা মনি অমা মাঙজরবনি। মহাক কায়নবগী অৱাবা মায়োক্ন রিবা ঈমূঙ- মনূঙগী অৱাবদা য়াওল্লূপ কে ৱাই কে এলগী মায়কৈদগীসু থম্মোয় শেংনা শরুক য়াজরি হায়রক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা