মনিপুরদা রেদিও-টেগ তৌখিবা, সাইবেরিয়া লমদমদগী পাইরক্তুনা ষ্টেট অসীগী তমেংলোং লমদমদা মতম খরা লমদন্দুনা লৈরম্বা অমুর ফাল্কোন লাবা অমা খা থংবা আফ্রিকাদা নুমীৎ ১১৪ নি লৈরম্লবা মতূঙ হৌজিক কিলোমিটর ২২,০০০ লাপ্না লৈরিবা সাইবেরিয়া লৈবাক্তা হনখ্রে হায়রি। রেদিও-টেগ তৌখিবা অমুর ফাল্কোন লাবা অদুগী মমীঙ চ্যুলুৱান ২ হায়না খঙনৈ। হৌখিবা মমাঙগী চহী ২০২৪ গী ওক্তোবর থাদা ৱাইল্ড লাইফ ইন্সটিট্যুট ওফ ইন্দিয়া ( দব্লিয়ু আই আই) গী সাইন্টিষ্ট শিংনা সেটেলাইট ট্রান্সমিটরশিং টেগ তৌখিবনি।
টেগ তৌখিবসি গ্বানগ্ৰাম কৌবা অমুর ফাল্কোন অমোম অমসু য়াওখিবনি। উচেকশিং অদু চহী খূদীঙগী নিংথমথা চঙলকপদা সাইবেরিয়াদগী মনিপুরগী তমেংলোং লমদমদা চাং নাইনা পাইরক্তুনা চয়োল অনীরোম লমদন্দুনা চাক্তারম্লবা মতূঙদা খা আফ্রিকাগী মফমশিংদা থা মরীরোম পন্থরগা লৈরম্লবা মতূঙদা সাইবেরিয়া তম্না অমুক পাইখিবনি।
ফাল্কোন অমোম অমসুং লাবশিং অদুগী ট্রেক্কিং তৌবগী থবক চত্থরিবা দব্লিয়ু আই আইগী সেনিয়র সাইন্টিষ্ট দা. সুরেস কুমারনা ফোঙদোরকখিবগী মতূঙ ইন্না চ্যুলুৱান-২ হায়না খঙনরিবা অমুর ফাল্কোন লাবা অদূ চৎলিবা এপ্রিল থা অসিগী ৮ দা আফ্রিকাগি বোসৱানা লমদম থাদোক্তুনা সাইবেরিয়া পাংখিবনি হায়রি। উচেক মখল অসি জিম্বাবৱে অমসুং টাঞ্জানিয়া লান্থোকখ্রবা মতূঙদা হৌজিক কেনিয়া- সোমালিয়া বোর্দর য়ৌখ্রেসু হায়রি। উচেক মখল অসি সাইবেরিয়া তম্লক্লি।