ৱেষ্ট বেঙ্গলগী পুরুলিয়া পারলিয়ামেন্ট রি কন্স টিট্যুয়েন্সিগী বি জে পি গী এম পি জ্যোটিরমাই সিংহ মহাতো না ষ্টেট অদুগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা য়ুনিয়ন হোম মিনিষ্টর অমিট শাহাদা চেরোল অমা ইদুনা তকশীনখ্রে। আর্ম ফোর্সেস ( স্পেসিয়েল পৱার্স) এক্ট কি মখাদা দিষ্টর্ব এরিয়ানি হায়না লাউথোক্ননবা য়ুনিয়ন হোম মিনিষ্টর গী মফমদা তকশীনখিবনি।
মফমশিং অসিদা লৈরিবা হিন্দূ কম্যুনিটিগী মীওইশিংদা ঙাইহাক লৈতনা এত্তেক চত্থরক্লিবা কয়া অদূগী য়েংলগা দিষ্টর্ব এরিয়ানি হায়না লাউথোক্ননবা ৱাফম অসী মহাক্না তকশীনখিবনি। থা অসিগী ১৩ দা এম পি অসিনা য়ুনিয়ন হোম মিনিষ্টরদা পীশিনখিবা চেরোল অদূদা ফোঙদোকখিবা মরুওইবা ৱাফমদি মুর্সিদাবাদ, মালদা, নাদিয়া অমসুং সাউথ ২৪ পরগানাজ হায়রিবা বোর্দর দিষ্ট্রিক্ট মরি অসিদা লৈরিবা হীন্দূ কাঙলূপকি মীওইশিংদা ঙাইহাক লৈতনা এত্তেক চত্থরকপা, মীওৎ মীনৈগী থৌওংশিং চত্থরকপা উবা ফংলি।
রুলিং ট্রিনামুল কংগ্রেস কি অপিজমেন্ট পোলিসিনা মরম ওইদুনা মরী লৈনবা দিষ্ট্রিক্ট এদমিনিষ্ট্রেসন্ন সু থৌশাদনা, খঙশীন- উশিন্নদনা লৈথোক্লি হায়না মহাক্কি চেরোল অদূদা পল্লি। হন্দক্ত সু মুর্সিদাবাদ দিষ্ট্রিক্ট তা লৈবা হীন্দূ কাঙলূপকি য়ূম অমসুং দুকান ৮৬ হেন্না লুট তৌদুনা অমাঙ- অতা থোকহনখি অদুগা হরগোবিন্দো দাস কৌবা অমগা মহাক্কি মচানুপাসু য়াওনা মীচম কয়ামরুম হাৎখিবগী থৌদোকশিং লৈরি হায়বা ৱাফমশিংসু মহাক্কি চেরোল অদূদা পল্লি।