মনিপুরদা নুংশি-চান্ননা, অমত্তা ওইনা থায়নদগী হৌনা য়েলহৌমী ফূরুপশিং লৈমিন্নরক্লি। চৈরকশিদা লম্মখাঙদা মপান লমশিংদগী আইন কায়না চঙশীল্লক্লিবা কাঙলূপ অমনা লমদম অসীগী য়ুনিটি অমসুং ইন্টিগ্ৰিটি থুগাইনবা, মনিপুরগী অপূনবা কলচর অমদি জিওগ্রাফিক বাউন্দরি কায়হন্ননবা সেপরেট এদমিনিষ্ট্রেসনগী দিমান্দ তৌশিল্লক্তুনা খুন্নাই অসিদা চয়েৎনবা, খুদোংচাদবশিং থোকহল্লক্তুনা চমজরবা মীচম-মীয়াম হাৎপা হৌরক্লিবসি ঐখোয়গী য়েলহৌমীশিংনা য়েংদুনা তুমিন্না লৈথোক্লোই হায়না মনিপুর নাগা পিপলস ফ্রন্ট ( এম এন পি এফ) কি মায়কৈদগী ফোঙদোরক্লি।
লূপ অসীগী ১২ শুবা ফাউন্দেসন ডেগী থৌরম ঙরাং পাঙথোকখিবদা ৱা ঙাঙবদা লূপ অসীগী চ্যেরমেন জোহন ফ্রান্সিস কসুংনা ৱাফম অসী ফোঙদোকখিবনি। ফাউন্দেসন ডে থৌরম অদূ লূপকি জেনরেল হেদ ক্বারটর্স, বট্টালিয়নশিং অমসুং ষ্টেসন পূম্নমক্তা চপ মান্নবা মতম অমত্তদা লূপকি ফীরাল চিংখত্তুনা পাঙথোকখিবনি হায়না এম এন পি এফ কি পব্লিসিটি সেক্রেটরি থোমাস ন্যুমাইনা খূৎয়েক পীদুনা থাদোরকপা প্রেস ষ্টেটমেন্ট অমদা ফোঙদোরকখি।
লূপ অসীগী হোম সেক্রেটরি এসপি কান্মৈ, দিফেন্স সেক্রেটরি রুইচুমহাও সু জেনরেল হেদ ক্বারটর্সদা পাঙথোকখিবা থৌরমদা শরুক য়াখি। লূপকি লৈখিদ্রবা থৌমীশিংদা লৈ-শু কত্তুনা ঈকায়খুম্নবসু ঊৎখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি