ইন্দিয়ন পারলিয়ামেন্টকি পুৱারিদা খ্বায়দগী মশক থীবা থৌদোক অমদা ঙরাং রুলিং অমসুং ওপ্পোজিসন পার্টি অনীগী মরক্তা য়াম্না চাউনা উংখৎনদুনা মূক্নরকপগী থৌদোক অমা পারলিয়ামেন্ট মমাঙদা থোকখ্রে। মখোয় মশেল অমনা অমদা ঈন্থোক- ঈন্সিন তৌনদুনা খৎনরকখিবগা লোয়ননা অমনা অমদা অকনবা মরাল শীনখি। বিজেপি অমদি ইন্দিয়ন নেস্নেল কংগ্রেসকি মেম্বরশিংগী মরক্তা মরাল শীনদুনা ঈন্থোক ঈন্সিন তৌনদুনা মূক্নখিবনি।
ইন্দিয়া নেস্নেল দেভলপমেন্ট ইনক্লুসিব এল্লায়েন্স ( ইন্দিয়া) ব্লোক্না পারলিয়ামেন্ট মমাঙদা ফজদবা থৌওং কয়ামরুম চত্থৈ হায়না বিজেপিনা অকনবা মরাল শীখি। ওপ্পোজিসন লুচিংবা রাহুল গান্ধীনা গুন্দাগী থৌওং চত্থরে হায়না য়ুনিয়ন মিনিষ্টর সিবরাজ সিংহ চৌহান্না য়ানিংদবা ফোঙদোকখি। বি জে পিগী এম পিশিংনা মাকর দ্বারদা লৈরিঙৈদা রাহুল গান্ধী চঙশীল্লকখি। মদুগী তুংদা ঈন্থোক ঈন্সিন তৌনদুনা মূক্নখিবনি হায়খি।
ইন্দিয়ন কন্সটিট্যুসনগী মপা হায়রগসু হেন্না খঙনরিবা দা. ভিম রাউ অম্বেদকরনা লৌরম্বা মরুওইবা থৌদাংশিং বি জে পিনা মূত্থৎনবা হোৎনরে হায়না কংগ্রেস কি লুচিংবা মাল্লিকার্জুন খরগে অমসুং রাহুল গান্ধীনা বি জে পিবু মরাল শীখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর
-
পূখ্রি ওল্লবা ইম্ফাল পাঙ্গৈ-পুখাউ রোদ খোয়শাওনরবা মীয়াম্না মতম কক্তনা থিংজিনখ্রে