মনিপুরগী ষ্টেট হায়ৱেশিংগী মনূংদা খ্বায়দগী মরূ ওইবা লম্বী অমা ওইবতা নত্তনা ট্রান্স এসিয়ান হায়ৱেগসু শম্নরক্লিবা ময়ায় লম্বী অসী লৈঙাক্কি অথোরিটিশিংনা চহী কয়ামরুম মীৎয়েং চঙবীদবদগী ঙসীদি, গারিদি লায়রদনা মীওইবগী খোঙনা চৎপা য়াবা লম্বী অমা ওইদ্রে।
লম্বী অসী মতম শাংনা লৈঙাক্না রিপ্যারিং তৌদুনা শেমজিনবীদবগী থৌওংবু খম থেংনা পেন্দবা ফোঙদোকপগা লোয়ননা লম্বী অসীগী নাক-য়েত্তা খুন্দারিবা মীয়াম্না ঙরাং লম্বী অসী গয়েন্টিনচিংবা শীজীন্নদুনা তৌখায়খ্রে। মী অমসুং গারীশিং অমত্তা চৎপা য়াহনখিদ্রে।
মতম কয়াগী মমাঙদগী মরী লৈনবা ষ্টেট লৈঙাক্কি অথোরিটিশিংদা মীয়াম্না লম্বী অসী শেম্বীননবা কয়ারক হন্না হায়জদূনা লাকখ্রবসু ঙসীফাওবা থৌশাদনা লৈরকখিবনি হায়রি। লেন অনীগী লম্বী অসি তোঙান তোঙানবা দিষ্ট্রিকশিংদা লৈরিবা কৈথেলশিং অমদি লৈঙাক্কি মরূওইবা ইন্সটিট্যুসন কয়া শম্নফম ওইদুনা লৈরিবনি। অদুম ওইনমক চহী কয়ামরুম শেমজীনবিদনা লৈরকপদগী লম্বী ময়ায়দা অচৌবা কোমকুৎ কয়া মশীঙ থীঙমদনা লৈবদগী গারীশিং চৎপদা ঙাইহাক লৈতনা এক্সিদেন্টশিং থোক্তুনা মী শিবা অমসুং শোকপগী মশীংশু হেঙ্গৎলক্লি।
লৈঙাক্কি থৌওংদা পেন্দ্রবা মীয়াম্না ঙরাং লম্বী ময়ায়দা থোক্লক্তুনা গয়েন্টিনচিংবা শীজীন্নদুনা তৌখায়খিবনি। লম্বী তৌখায়বদা য়াওবনি হায়বা নূপী ৪ ৱাঙ্গোয় পুলিসনা ফাজিনখি। মখোয়শিং অদূ খূদক্তা থাদোক্কদবনি হায়বা অকনবা দিমান্দ তৌরদুনা লমদম অদোমগী নূপীশিংনা পুলিশ ষ্টেসন অসিদা থোমজীনখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর