মনিপুরদা থোক্লিবা হীংশাগী ঈরাং অসী লাকশীন্ননবা ষ্টেট অমসুং সেন্ট্রেল সেক্যুরিটি ফোর্সকি কম্বাইন টিমশিংনা অকনবা থৌরাং কয়া লৌখত্তুনা মফম কয়াদা সর্স ওপরেসন চত্থরকপা, এরিয়া দোমিনেসনগী খোঙথাঙশিং লৌখৎপা অমদি তোঙান তোঙানবা মফম কয়াদা সেক্যুরিটি চেক পোষ্টশিং হাংদোক্তুনা অচৎ- অওকশিং চেক তৌবগী থবক কন্সিল্লক্লি।
ষ্টেট অমসুং সেন্ট্রেল সেক্যুরিটি ফোর্স কি কম্বাইন টিমশিংনা মনিপুরগী চীঙ অমসুং তম্পাক্কি মফম কয়াদা থিবা-হুম্বগী থবকশিং লেপ্তনা চত্থরক্লিবা অসীগী শরুক অমা ওইনা থা অসীগী ১০ দা কাংপোকপি দিষ্ট্রিক্ট মনূং চন্না লৈরিবা তিঙ্খাই খুল্লেন এরিয়াদা সর্স ওপরেসন চত্থবদা য়াম্লবা বোম, নোংমৈ কয়া ফাগৎপা ঙমখ্রে।
কম্বাইন টিম্না ফাগৎখ্রবা খূৎলায়শিং অদুগী মনূংদা ৯ এম এমগী কর্বাইন মেচিন গন অমা, মেগজিন অমা, সিঙ্গল বোল্ট স্নাইপর রাইফল অমা, নাইন এম এমগী পিষ্টোল অমা, মেগজিন অমা, ৩৬- হেন্দ গ্ৰেনেদ অমা, ট্যুব লোঞ্চর অনী, নাইন এম এমগী লাইব রাউন্দ এম্যুনিসন অনী, রেদিও সেট অমসু য়াওই হায়রি। খূৎশু- খূৎলায়শিং অদু কাংপোকপী পুলিসনা ফোর্মেল ওইনা ফাগত্তুনা মখাতানা থিজিন-হুমজিনবা হৌখ্রে।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে