ইন্দিয়ান পারলিয়ামেন্ট কি পুৱারিদা ইহান হানবা থৌদোক অমা ওইনা হৌজিক চত্থরিবা পারলিয়ামেন্ট কি নিংথম মীফম মনূংসিদা ইন্দিয়াগী ভাইস প্রসিদেন্ট ওইনসু থৌ পুরিবা রাজ্য সভাগী চ্যেরমেন জগদিপ ধানকরগী মথক্তা ওপ্পোজিসন পার্টিশিংগী মশীং য়াম্লবা মেম্বরশিংনা নো কনফিদেন্স মোসন থাঙ্গত্তুনা পেন্দবা অমসুং য়ানিংদবা ফোঙদোকখ্রে।
চৎলিবা থা অসীগী তরাদা চত্থখিবা রাজ্য সভাগী সেসন্দা কংগ্রেস না লুচিংবা ওপ্পোজিসন পার্টিগী মেম্বরশিংনা নো কনফিদেন্স মোসন থাঙ্গত্তুনা পেন্দবা কয়া ফোঙদোকখি হায়রি। কংগ্রেস পার্টিদগী চপ চাবা অমা ফোঙদোরকখিদ্রবসু এজেন্সিগী পাউ মতূং ইন্না জগদিপ ধানকরগী মথক্তা থাজদবগী মোসন থাঙ্গৎলকখিবা অদূদা পূন্না ওপ্পোজিসনগী মেম্বর ৬৫ না খূৎয়েক পীদুনা শৌগৎখিবনি।
রাজ্য সভাগী হৌজিক লৈরিবা তোঙান তোঙানবা পোলিটিকেল পার্টিশিংগী মেম্বর মশীং অসী য়েংলগা জগদিপ ধানকরগী মথক্তা থাজদবগী মোসন থাঙ্গৎলকখিবা অদূ মায় পাক্কদবগী মমিদি উদ্রে অদূম ওইনমক রাজ্য সভাগী চ্যেরমেন অমগী মথক্তা থাজদবগী মোসন থাঙ্গত্তুনা য়ানিংদবা ঊৎলকপগী থৌদোক অসীদি ইন্দিয়ান পারলিয়ামেন্ট কি পুৱারিদা হন্দক্কি অসীনা অহানবনি হায়রি। ওপ্পোজিসন মেম্বরশিংদা ৱাফমশিং পুখত্তুনা সভাদা ফোঙদোকপগী অয়াবা প্রিসাইডিং ওফিসারনা পীদবগী মায়োক্তা ঈহৌ অদূ চঙশীল্লকখিবনি হায়না পাউ অসীনা মখা তারি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে