হৌখিবা ঈং- কুমশিং ২০২৩ গী জুন ২১ গী নুমিদাং পূং তরেৎলোম তারকপদা বিষ্ণুপুর দিষ্ট্রিক্ট মনূং চন্না লৈরিবা ক্বাক্তা অমসুং ফৌগাকচাউ ইখায় এরিয়া লোন্নবদা লৈবা থোং অমদা মহিন্দ্র স্কোরপিয়ো এস য়ু ভি কার অমদা বোম ফিট তৌদুনা ইম্ফাল চুরাচান্দপুর লম্বী থদত্তুনা ফাওনহনখিদনবা হোৎনখিবা, মীওই কয়াসু অশোক- অপন থোকহন্দুনা শোইনাইহনবফাও য়াওহনখিবা থৌদোক অদুগী কেস নেস্নেল ইনভেষ্টিগেসন এজেন্সি (এন আই এ) গী ইম্ফাল দা লৈবা স্পিসিয়েল কোর্ট না লৌখত্তুনা লাকখিবদু গুৱাহাটিদা শিন্নখ্রে।
হৌখিবা নবেম্বর ২৪ দা লৈবাক অসীগী খ্বায়দগী অৱাংবা আইনগী লোয়শঙ ওইরিবা সুপ্রিম কোর্টনা পীখিবা ওর্দর অমগী মতূং ইন্না কেস অদূ ইম্ফালদা লৈরিবা এন আই এ গী স্পিসিয়েল কোর্ট না মখাতানা পায়খৎপদা লো এন্দ ওর্দরগী খুদোংচাদবা কয়ামরুম মায়োক্নগদবা কয়াদু য়েংলগা গুৱাহাটিদা লৈরিবা এন আই এ গী স্পিসিয়েল কোর্ট তা শিন্নখিবনি হায়রি।
বোম পোখায়বগী লাইবক থীবা থৌদোক্তুদা চেন্নবনি হায়বা মীওই অহুম এন আই এ না ফাগৎলবা মতূংদা হৌজিক মীওই অনী জেলদা লৈরিবনি। মীওই অমদি এপ্রুভর ওইরবনা জেলদা থমদে হায়রি। জেলদা লৈরিবা মীওই অনী অদুদি ক্বাক্তা ৱার্দ নম্বর ৮ দগী এমদি নুর হুসেইন এলাইজ নুর হাসন এলাইজ তোম্বা (৩৭) অপোকপা লৈখিদ্রবা বাবু অমসুং চুরাচান্দপুর দিষ্ট্রিক্ট মনূং চন্না লৈরিবা ফাইখোলুম জে মুন্থাদগী সৈমিনলুন গাংটে এলাইজ মিনলুন (৪২) অপোকপা লৈখিদ্রবা পাউখোকাই গাংটে হায়রিবশিং অসিনি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে