ঙরাং অয়ুক ইম্ফাল নোংচুপ পানাগী শীঙজমৈ পুলিস ষ্টেসন মনূং চন্না লৈরিবা শীঙজমৈ ময়েংবম লৈকায়দা লৈবা আই সি আই সি আই বেঙ্ক চঙফমদা শক্তি লৈরবা ৩৬-হেন্দ গ্ৰেনেদ অমা শকখঙদবশিংনা থমজিন্দুনা অকি- অখঙ মায়োক্নহল্লম্লে হায়রি।
পুলিশ কি পাউ মতূং ইন্না, ঙরাং অয়ুক পূং ৮.৩০ রোম তারকপা অদুদা বোম অমা বেঙ্ক অদুগী চঙফম ষ্টিয়রদা থমজিল্লম্লে হায়বা পাউ অমা ফংবদগী এস দি পি ও শীঙজমৈনা লুচিংবা পুলিস টিম অমা মফম অদুদা চঙশীন্দুনা ফীভম য়েংশিনখি। বোম অদূ খুদোংথীনিঙায় ওইবা মরম্না শীঙজমৈ পুলিসনা মনিপুর পুলিসকি বোম দিটেক্সন অমসুং বোম দিস্পোজেল স্কৱাদ টিমদা পাউ পীরবা মতূংদা অয়ূক্কি পূং ১০ রোম তারকপা মতমদা অশোয়- অঙাম য়াওহন্দনা, অকনবা চেকশিন-থৌরাং লৌখৎপগা লোয়ননা দিফ্যুজ তৌখি হায়রি।
এক্সপর্টশিংনা মখা তানা কূপ্না য়েংশিল্লুবদা বোম অদূ দিটোনেটর য়াওরমখিদে হায়না পুলিসনা ফোঙদোকখি। কনানা করিগীদমক বোম অদূ থমজিল্লম্লিবনো হায়বা খঙবা ঙমদ্রি। শীঙজমৈ পুলিসনা বোমদু ফোর্মেল ওইনা সিজ তৌখিবগা লোয়ননা কেস অমা লৌখত্তুনা থিগৎপা হৌখ্রে।
You may also like
-
মৈতৈ-নাগা অনীগী ঈমাশিং পূন্দূনা ইস্যু খূদীঙমক থেংননবা ৱারেপ লৌখ্রে
-
নোংমাইলেম্বিনা মিলালগী লূচীংপুরেল ওইরে
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার