চহী অসীগী নবেম্বর ২৫ দা লোইতাং খূনৌদা আসামগী কছার দিষ্ট্রিক্ট তগী লাক্লগা থবক শুদুনা লৈরিবা লাইশ্রম কমলবাবু কৌবা মীওই অমা লৈমখোংদা চৎখিবদগী হৌজিক ফাওবা থিবা ফংদনা লৈরক্লিবা অসীগা মরী লৈননা শেমখিবা জোইন্ট এক্সন কম্মিটি (জে এ সি) না মহাক্কি লংলা- লংজিল খঙহল্লু হায়না দাবী তৌদুনা চঙশীল্লকপা খোঙজঙ হেন্না হেন্না কনশীল্লক্লি। খোঙজঙ অসীগী মখা তারকপা ওইনা ঙরাংসু জে এ সি অসীনা মীয়ামগা লোয়ননা কংলাতোংবি বজার বোর্দ মমাঙদা লৈরিবা নেস্নেল হায়ৱে-২ দা লম্বী থিংদুনা প্রোটেষ্ট তৌখ্রে। নবেম্বর ২৫ দা লৈমখোংদা লৈরিবা ৫৭ শুবা মাউন্টেন দিভিজন্দা থীকাগী থবক শুরিবশিং য়েংশিনবা চৎখিবদগী কমলবাবু হঞ্জিল্লকখিদবনি।
আর্মী কেম্প অদুদা মহাক চঙখি হায়বগী এন্ট্রি তৌরম্বা থেংনখি অদূম ওইনমক মফম অদুদগী মহাক থোকখিবগী সাইন তৌরম্বগী খূদম অমত্তা লৈরমদবদগী আর্মীনা কমলবাবু পুথোক্কদবনি, মহাক্কি লংলা-লংজিল খঙহল্লু হায়না লৈমখোং আর্মী হেদ ক্বারটর্স গী গেট থিংজিনবা য়াওনা মখল মখা কয়াগী খোঙজঙ শিং জে এ সিনা চঙশীল্লকখিবনি। মীয়ামগা লোয়ননা জে এ সি অসীনা ঙসিসু ফয়েং লম্বীদা চত্থ রি। আর্মীগী গারিশিং থিংলি। কোর্ট তা চৎপা, তঙায়ফদনা কোর্ট শিংদা চত্তবা য়াদবা আর্মী গারিশিংগী ওইনদি লম্বী থিংবগী খোঙজঙ অসীনা কোন্সিন্দ্রি, কোমথোক্লি।
জে এ সি অসীগী কো কনভিনর পুর্নিমাসিনা ফোঙদোকখিবা মতূং ইন্না খোঙজঙ অসী ইন্দিয়ান আর্মীনা কমলবাবু পুথোক্ট্রিফাওবা লেপ্তনা চত্থখিগনি হায়বা ৱাফম থমখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে