কুকি মিলিটেন্টশিংনা মৈতৈ খুলশিংদা লান্দারক্তুনা মীওই কয়া হাৎপা, য়ূম মৈ থাবগী থবক চত্থরকপা চহী অনী ফারক্কদৌরবা অসী ফাওবা লৈঙাক্না মিলিটেন্ট শিং লাকশীনবা ঙমদ্রি। মৈতৈ ফূরুপকি মীয়ামগী পুন্সি অমসুং লন-থুম ঙাক শেন্দুনা খুল ঙাক্লিবা ভল্লন্টিয়রশিংবু লৈঙাক্না ফাবা পুনবা য়ারোই, অরম্বাই তেঙ্গোলগী লুচিংবা কৌরৌঙানবা খূমনগী মথক্তা নেস্নেল ইনভেষ্টিগেসন এজেন্সি (এন আই এ) না কেস লৌখৎলিবসি খূদক্তা হন্দোক্কদবনি হায়বা দাবী তৌরদুনা য়াম্লবা মৈরা পায়বী ঈমাশিংনা অকনবা প্রোটেষ্ট তৌখ্রে।
শলূংফম অপূনবা মৈরা পায়বীশিংনা মীয়ামগা লোয়ননা চঙশীনখিবা খোঙজঙ অদুদা এন আই এ না কোরৌঙানবগী মথক্তা মরাল শীদুনা কেস পানবা য়ারোই, খুল ঙাকপশিংগী মথক্তা লৈঙাক্না করিগুম্বা মখল অমত্তগী এক্সন লৌখৎপা য়ারোই হায়বা প্লেকার্দ শিংগা লোয়ননা খোল্লাউ কয়াসু লাউখি।
শলুংফম অপেনবা মৈরা পায়বীগী প্রসিদেন্ট থিংবাইজম ঙানবিতোন লৈমনা থৌরমদুদা হায়, চহী অমগা থা মাপন ফাজিল্লক্লবা লান অসী লোইশিনবসু ঙমদে অদুগা অরম্বাই তেঙ্গোলগী লুচিংবা কৌরৌঙানবগী মথক্তা এন আই এ না শীরক্লিবা মরাল য়াবা ঙম্লোই, কুকিশিংদনা করিসু তৌবা ঙমদ্রগা খুল ঙাক্লিবা ঈচাশিংদা ওন্সীন্দুনা ফাবা পুনবা য়ারোই হায়না ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে