য়ুনাইটেদ কম্মিটি মনিপুর (য়ু সি এম) গী কন্সল্টেটিব কম্মিটিগী মেম্বর ওইরম্বতা নত্তনা ইন্টর্নেস্নেল পিস এন্দ সোসিয়েল এদভান্সমেন্ট ( ইপসা) গী এদভাইজর ওইনসু লৈরম্বা প্রিপাক্কি লূচীঙপুরেল হৈক্রুজম ইবোতোম্বি খুমন এলাইজ ঙমদাইরেন খূমন এলাইজ ওজা ইনাও এলাইজ ওজা মচা না ঈখঙ খঙহৌদনা চৎলিবা থা অসীগী ১৯ দা লৈখিদবগী মঙানি লৈহুন থৌরম হৌখিবা নবেম্বর ২৩ দা ইম্ফালগী কেক্রুপাৎতা লৈরিবা অথৌবশিংগী য়াতাফম ওইরিবা য়ুনিটি এন্দ পিস পার্ক তা মপূঙফানা পাঙথোকখ্রে।
মশীঙ য়াম্লবা মীয়ামগী লুচিংবশিং শরুক য়াদুনা পাঙথোকখিবা থৌরমদুদা পোইরৈ লৈমরোল অপূনবা মৈরা লূপ, ইপসা অমদি য়ু সি এমগা পূন্না চৎমিন্নরিবা লমদম অসীগী লূপশিংদগী লাকপা থৌমীশিংসু শরুক য়াখি। ইম্ফাল নোংচুপ পানাগী হাওবম মরক ইরোম লৈকায়দা লৈবা লৈখিদ্রবা লুচিংবা অসীগী য়ূমদগী মশাগী ফোতোগ্ৰাফ অদূ মীয়াম্না কৈরেল-কৈজাউদা হাপ্তুনা পুরক্লগা ইম্ফালগী মরুওইবা মফম কয়াদা ফাওদুনা লাক্লবা মতূংদা কেক্রুপাৎতা থুংলখি।
মফম অদুদা মহাক্কি ফোটোদা মপূংফাবা ঈকায়খুম্নবা ঊৎখি। মহাক্না লৈখিদবা অসী লমদমসিগী পুৱারিদা অমূক হন্না মেন্সিনবা ঙম্লরোইদবা মাঙজবা অমা ওইহৌরগনি হায়না য়ু সি এমগী প্রসিদেন্ট ৱাই কে ধিরেন অমসুং কন্সল্টেটিব কম্মিটিগী মেম্বর য়ুম্নামচা দিলিপকুমারনা ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে