মনিপুরদা হৌজিক থোক্লিবা কাঙলূপকি ঈরাং অসী খূদক্তা লোইশিনগে হায়রবদি কুকি, নাগা অমসুং মৈতৈ ফূরূপকি তোঙান তোঙানবা ওটোনোমি পীথোকখ্রবা মতমদা ওইথোক্কদবনি হায়না হান্নগী য়ূনিয়ন ফাইনান্স মিনিষ্টর অমসুং কংগ্রেস পার্টিগী ভেটরান লিদর পি চিদম্বরম্না ফোঙদোকখিবা ৱাফম অসী মহাক মশাগী ওইবা লন্নাই ৱাফম অমনি, কংগ্রেস পার্টিগী ৱাফম অমত্তা নত্তে হায়না এম পি সি সিগী মায়কৈদগী শেংদোকখ্রে।
মহাক্কি কম্মেন্ট নত্রগা ষ্টেটমেন্ট অদূ মহাক্কি সোসিয়েল মেদিয়া এক্কাউন্ট দগী ককথৎহনখ্রে হায়বা ৱাফমসু ফোঙদোরক্লি। নাকল অমরোমদা, পি চিদম্বরম্না মথোঙ মরম অমত্তা খঙদনা অমসুং মনিপুরগী পুৱারি অমত্তা কূপ্না খঙদনা পঙঙাঙ ঙাঙথোরকখিবা ৱাফম অদূ য়াম্না লাইবক থীবা অমনি, মহাক্কি মথক্তা আইনগী ওইবা অকনবা থবক লৌখৎকদবনি হায়না ফোক্স না ফোঙদোকখ্রে। মহাক্না ফোঙদোরক্লিবা ৱাফম অসিনা মনিপুরগী মীয়ামগী থম্মোয়দা তাশোন্না থিনবগা পাঙ্খক ওইহল্লে হায়রক্লি।
হৌজিক থোক্লিবা কাঙলূপকি ঈরাং অসীদা পি চিদম্বরম্না মথোঙ মরম অমত্তা খঙদনা পঙঙাঙ ঙাঙথোরকখিবা ৱাফম অসিনা অচাকপা মৈদা ঘী হৈজিল্লকপা ওইনা থোকহল্লে হায়রক্লি। মনিপুরগী য়াম্না হেন্না সেন্সিটিব ওইরিবা ইস্যু অসিদা খন্থদনা কনাগুম্বা অমত্তনা ৱাফম অমত্তা ফোঙদোকপিগনু হায়রক্লি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে