ইম্ফাল নোংচুপ পানাগী লম্ফেল পুলিশ ষ্টেসন মনূংচন্না লৈরিবা এয়রপোর্ট রোদতা লৈরিবা টিদিম মোটোর্স কি সো রুমদা শকখঙদবশিংনা নোংমৈ রাউন্দ অহুম কাপশীন্দুনা এত্তেক চত্থরম্লে। থৌদোক অদূদা মফমদুদা লৈবা কার অনী য়াওনা সো রুমদা থম্বা পোৎলম কয়াসু অকায়- অতোয় মায়োক্নখ্রে হায়রি। থৌদোক অদুবু খম থেংনা য়ানীংদবা ঊৎলদুনা টিদ্দিম মোটোর্স কি ষ্টাফশিংনা মখোয়গী ওফিস মমাঙদা অকনবা প্রোটেষ্ট চত্থখ্রে।
মীফম অদুদা সো রুম অসীগী সেলস মেনেজর এলাংবম চিত্তরঞ্জন্না হায়, হৌজিক লৈবাক্কি য়াম্না লুরবা তাঞ্জা অসিদা ঐখোয় মশেলগী মরক্তা খূৎলায় শীজিন্নদুনা অকি-অখঙ কয়া থোকহনবা অমসুং অমনা অমদা য়েংথীনবগী থৌদোক কয়া চত্থরকপা হায়বসি য়াম্না লৈবাক মচা তাদবা, য়েক্নবশিংনা খূবাক খূদুনা পেন্নখিগদবা থৌওং অমনি। ঈ মশেল মরক্তা মূক্নবগী থৌওং অমত্তা চত্থবিরক্কনু হায়খি।
পেন্দবা কোঙ্গায় লৈরবসু ফোংনা থোক্লক্তুনা ৱারী-ৱাতায় তৌনরগা ৱারোয়শিন পুরক্ননবা পূন্না হোৎনমিন্নসি হায়খি। টিদ্দিম মোটোর্স অসীদা ষ্টাফ ২০০ রোম লৈবগা লোয়ননা ঈমূং মনূং পুনরিবনি হায়নসু মহাক্না ফোঙদোকখি। সো রুমদা অকায়- অতোয় থোকহল্লম্বা থৌদোক অসি ষ্টাফশিংনা থম্মোয় শোকনা নুঙাইজদে। অসীগুম্বা গুন্দাইজমগী থৌওং অসী মতূংদা অমুক হন্না চত্থবিগনু হায়খি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে