রাং ওক্তোবর ২৮ গী অঙনবা অয়ূক্তা ইম্ফাল ময়োলদা অমসুং ভেরি হায় সেক্যুরিটি-জোনগী মনূংদা নম্বর ৱান কেটাগোরিগী মনূংদসু চল্লিবা রাজ ভবনদগী খারোমদা শুপ্নদংগী মিটর ২০০ রোমদমক লাপ্নরগা মনিপুর সেন্ট্রেল জেল রোদ পরীংদা লৈরিবা ঘন প্রিয়া ৱিমেন কোল্লেজ (জি পি ৱিমেন কোল্লেজ) গী গেত্তা শকখঙদবশিংনা বোম (হেন্দ গ্ৰেনেদ) অমা থমজিন্দুনা মীয়ামদা অকি-অখং থোকহল্লম্বা থৌওং অদূবু য়াম্না কন্না য়ানিংদবা ফোঙদোক্তুনা কোল্লেজ অসীগী মহৈরোয়শিংনা অকনবা প্রোটেষ্ট তৌদুনা খোঙজঙ চত্থখ্রে।
শকখঙদবশিংনা মহৈলোয়শঙ ফাওবদা ভাইওলেন্স অমসুং ক্রাইম চত্থফম ওন্থোরক্লিবসি য়াম্না লাইবক থীবনি। মতূংদা স্কুল, কোল্লেজশিংদা অমূক হন্না অকি-অখং থোকহনবিগনু, ঐখোয় অকি-অখং য়াওদনা মহৈ তম্বা পাম্মি, ইদুকেসনবু ফ্রী জোন ওইহনগদবনি হায়বা খোল্লাউ অদূ মপূং ফাহন্ননবা মরী লৈনবা পূম্নমক্না ঙাক্না চৎপীয়ু হায়না কোল্লেজ অসীগী মহৈরোয় অমনা ঐখোয়গী পাউমীদা ফোঙদোরকখি।
মরাল লৈবশিংগী মথক্তা লৈঙাক অসীনা অকনবা থবক পায়খত্তুনা, ফাগত্তুনা মতীকচাবা আইনগী চৈরাক ফংহনগদবনি। মনিপুরদা মায়োক্নরগা লৈরিবা হীংশা অসী থেংনবগী মিংদা খূৎলায় পায়বশিংনা মীচম-মীয়ামদগী পুবা-থাংবা ঙম্লোইদবা শেনখায়-থুমখাই চত্থরকপা, বোম লংশিনবা, নোংমৈ কাপশীনবগী থৌওং কয়া চত্থরক্লিবসি য়ানীংদে। মনিপুরদা আইন চৎনরি হায়বদু লৈঙাক অসীনা মীয়ামদা ঊৎকদবনি হায়খি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর