মনিপুরদা হৌজিক মীয়াম্না মায়োক্নরগা লৈরিবা হীংশাগী ঈরাং অসীদা মনিপুর ঈমাগী শক্তম কায়হনবা য়ারোই, ঐখোয়গী ঈপা- ঈচা, ঈচীল- ঈনাওশিং, ঈচল- ঈচেশিং শোকপা য়ারোই হায়দুনা অহীং-নুংথিল তূম্বা চাবা থিদনা খুল ঙাক্লিবা থৌনা ফরবা নহারোল, ভিল্লেজ ভল্লন্টিয়রশিংদা মৈটৈ ঐখোয় পূন্সিনশি (মৈপুন) গী থৌমীশিংনা লেপ্তনা অঙম্বা থাক্তা মতেং পাংদুনা লাক্লি। মশীগী মখা তারকপা খোঙথাং অমা ওইনা থা অসীগী ২৫ দসু মৈপূনগী থৌমীশিংনা ইম্ফাল ৱেষ্ট দিষ্ট্রিক্ট কি মনূংচন্না লৈবা কামেং সাবল লৈকায়দা খুল ঙাক্লিবা থৌনা ফরবা নহারোলশিংদা নিংথমথাদা শীজিন্ননবা পোৎলম কয়া খূদোল তমখ্রে।
পোৎলমশিং অদূগী মনূংদা মোম্পাক ফিদক ১০,মোম্পাক ১০, কম্বল ১০, মোন ১০ সু য়াওখি। মৈপুনগী সেনিয়র এদভাইজর কে কে ৱাহেংবম অমসুং রাজেন্দ্রো পাঙম্বমনা লুচিংবা মৈপূনগী থৌমীশিংনা তেঙবাং পোৎলমশিং অদূ ভিল্লেজ ভল্লন্টিয়রশিং অদুদা খূৎশিন্নখিবনি।খোঙচৎ অদুদা মৈপূনগী তোঞ্জম সোমোর্জিট, এদমিন বোবো খুন্দ্রাকপম, সুনিল মাইবোই, সুরেশ খাঙেম্বম, তাখোইমু, কেনি ৱাহেংবম, শঙ্গিতা খোইরোম, জয়মতি ইরোম, রোজি ব্রহ্মচারিময়ূমসু শরূক য়াখি।
ভিল্লেজ ভল্লন্টিয়রশিং অদুনা ঈরমদম ঈরৈপাক ঙাক্নবগীদমক তূম্বা-চাবা খঙদনা মীয়ামগী থৱায় কন্ননবা মশাগী থৱায় ফাওবা পাম্মূবা লৈতনা কত্থোকপগা লোয়ননা হোৎনরিবা কয়া অদূবু কে কে ৱাহেংবম অমসুং মৈপূনগী অতৈ থৌমীশিংনা ঙমখৈ লৈতনা থাগৎপা ফোঙদোকখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে